Дарагі дружа!

Вітаем Вас на афіцыйнай старонцы прэміі за Электронную і Онлайн-літаратуру «Празрысты ЭОЛ». Прэмія заснаваная рэдакцыяй віртуальнага літаратурнага часопіса «ЛітРАЖ» пры падтрымцы шэрагу беларускіх пісьменнікаў.

Мэты стварэння Прэміі:

  • заахвоціць айчынных выдаўцоў да публікацыі электронных кніг;
  • падтрымаць творчасць беларускамоўных, перадусім маладых аўтараў;
  • прыцягнуць увагу шырокай грамадскасці да найлепшых літаратурных онлайн-публікацый на беларускай мове.

Прыём рэкамендацый

Сакратарыят Прэміі віртуальнага літаратурнага часопіса «ЛітРАЖ» з 1.1.2019 па 15.1.2019 будзе прымаць ад чытацкай публікі РЭКАМЕНДАЦЫІ што да твораў, якія на думку чытачоў заслугоўваюць быць вынесенымі на разгляд Віртуальнай літаратурнай Акадэміі і намінаванымі на прэмію «Празрысты ЭОЛ»-2018.

Для падачы рэкамендацыі чытачу (ці аўтару) дастаткова даслаць мэйл на адрас Сакратарыяту са СПАСЫЛКАЙ на рэкамендаваны твор.

Патрабаванні да твораў:

  • беларуская мова (любы правапіс);
  • апублікаваны ў інтэрнэце (за выняткам сацыяльных сетак – гл. Статут прэміі) ў 2018 годзе;
  • аб'ём большы за «надта малы» (прыблізна 2000+ слоў, 10000+ знакаў без прабелаў).

Сачыце за навінамі Прэміі

Праца над праектам і сайтам працягваецца, сачыце за абнаўленнямі і чытайце Літраж.орг